Ասիա Ջեբար (1936-2015 Շերշել, Ալժիր)
Նա հեռանում էր,
ու առավոտը լալիս էր տխուր՝
շամբուտին թիկնած:
Ես զարդարում էի իմ հին եղևնին,
ես լուռ հիշում էի նրանց, որ չկան...
***
Իմ քաղաքի նման տխուր են աչքերդ, տղա՛,
իմ քաղաքի նման որբ է սիրտդ:
Ես էլ քեզ նման, ավելորդ եմ, տղա՛,
ես էլ քեզ նման՝ խիստ ուրիշ մաշկով...
***
Ես ամեն օր կսպասեմ քեզ՝
շուկայի մոտ չարչիների թաղամասի,
ես ամեն օր կերգեմ քո սիրած երգը:
Աշխարհը կպտտվի կրծքիս տակ՝
կլինեմ կողմնացույցը քո,
աշխարհը կմանկանա հայացքումդ՝
կլինեմ կախարդական իլիկ...
***
Ինձ կմնա մայրամուտը բոլոր անցած փոթորիկներից հետո:
Կյանքի պտտահողմում կկորչեն տառապանքները,
Թարգմանությունը՝ Մարգարետ Ասլանյանի
Նա հեռանում էր,
ու առավոտը լալիս էր տխուր՝
շամբուտին թիկնած:
Ես զարդարում էի իմ հին եղևնին,
ես լուռ հիշում էի նրանց, որ չկան...
***
Իմ քաղաքի նման տխուր են աչքերդ, տղա՛,
իմ քաղաքի նման որբ է սիրտդ:
Ես էլ քեզ նման, ավելորդ եմ, տղա՛,
ես էլ քեզ նման՝ խիստ ուրիշ մաշկով...
***
Ես ամեն օր կսպասեմ քեզ՝
շուկայի մոտ չարչիների թաղամասի,
ես ամեն օր կերգեմ քո սիրած երգը:
Աշխարհը կպտտվի կրծքիս տակ՝
կլինեմ կողմնացույցը քո,
աշխարհը կմանկանա հայացքումդ՝
կլինեմ կախարդական իլիկ...
***
Ինձ կմնա մայրամուտը բոլոր անցած փոթորիկներից հետո:
Կյանքի պտտահողմում կկորչեն տառապանքները,
Կչորանան մորմոքների մացառուտները,
Արևը միշտ կախաղանված կլինի երկնքին,
Մարդիկ, ովքեր ցերեկը գիշերեցին իմ սև մաշկին`
Կարտասվեն վերջին աշունը փեշին սպիտակ ծովահարսների,
Ես` կմնամ գաղտնի երգը, վերջին սերը բորբ մայրամուտի,
Որովհետև ես Աստծո զայրույթից ծնված կինն եմ`
հրկիզված երկնքից երկիր ընկած մոխրի մի փոշեհատիկը,
Ամենասև բիծը անհնարինորեն սպիտակ խղճին՝
Ձանձրալիորեն հնարավոր աշխարհի:
***
Ալժի՛ր, քաղաք իմ սևահուշ,
Ամեն ընկած զինվորդ
վերմակ է հողի համար,
ամեն աստղիդ մեջ՝
թշնամուդ ներած
մանուկների ծիծաղը,
որ հրեշտակներ դարձան...
Ամեն ընկած զինվորդ
վերմակ է հողի համար,
ամեն աստղիդ մեջ՝
թշնամուդ ներած
մանուկների ծիծաղը,
որ հրեշտակներ դարձան...
***
Տարիները սարդոստայն են հյուսել դեմքիս,
տարիները մշուշել են հայացքս՝ հետ նայող:
Ոչ մի թփի տակ ես չեմ փնտրում քեզ,
ոչ մի ծառի տակ չեմ հյուսում պսակ:
Ինձ միշտ թվում է՝ ձմռան մի գիշեր
դու կգաս իմ տուն,
ինձ միշտ թվում է ձմռան այդ գիշեր
Աստված կների չլինելս քեզ...
Տարիները սարդոստայն են հյուսել դեմքիս,
տարիները մշուշել են հայացքս՝ հետ նայող:
Ոչ մի թփի տակ ես չեմ փնտրում քեզ,
ոչ մի ծառի տակ չեմ հյուսում պսակ:
Ինձ միշտ թվում է՝ ձմռան մի գիշեր
դու կգաս իմ տուն,
ինձ միշտ թվում է ձմռան այդ գիշեր
Աստված կների չլինելս քեզ...
Թարգմանությունը՝ Մարգարետ Ասլանյանի
Комментариев нет:
Отправить комментарий