Խոսե Մարիա Ֆոնոլյոսո (1922-1991 Բարսելոնա, Իսպանիա)
7
7
Թախիծն է սա, թախիծը գոյության:
Թախիծ, որով բոլորը, ամեն մեկը
մտածում է,
որ շուրջբոլորը լոկ թշնամիներ են,
և մեզ համար ամենն անմատչելի է:
Սա համր մի թախիծ է, որ անսպառ
հոսում է մայթերի վրա,
բերնեբերան լցնում տները և
սուզում է օջախները լռության մեջ:
13
Դուրս եմ գալիս: Ու չգիտեմ,թե ուր
գնամ:
Տարբերություն չկա` մի կողմ, թե
մյուսը:
Ճանապարհները միշտ ճյուղավորվում
են
կա՛մ անձկության, կա՛մ ձանձրույթիմեջ:
Մութ բարձունքից անձրևն իջնում
է ցած,
բախվում օդի բռնկումների հետ,
կառչում է մազերիս, վերնաշապկիս
ու ձեռքերիս…
Լավ է տեղատարափի տակ զբոսնելը:
Լավ է ջրի ներքո դանդաղ քայլելը:
Առանց մի ուղղության, աննպատակ,
քամուն ու անձրևին,
ինչպես օդի հոսանք կամ ջուր` փողոցներով.
ուրիշ ոչինչ:
Թարգմանությունը ` Հասմիկ Ամիրաղյանի
Комментариев нет:
Отправить комментарий