Ֆրանսուա Վիյոն

Ֆրանսուա Վիյոն

(1431-1463 Փարիզ, Ֆրանսիա)

Աղոթք

Քանի դեռ պտտվում է Երկիրը, քանի դեռ լույսն է պայծառ`

Տե'ր, ամենքին տուր այն, ինչ չունեն նրանք.

Խելոքին գլուխ տուր, վախկոտին` նժույգ,

Երջանիկ մարդուն փող տուր և մի' մոռացիր իմ մասին:

Քանի դեռ պտտվում է Երկիրը` քոնն է զորությունը, Տե'ր,

Հագեցրու իշխանության ձգտողին,

Շռայլին հանգիստ տուր թեկուզ օրավարտին,

Քավություն շնորհիր Կայենին, և մի' մոռացիր իմ մասին:

Գիտեմ` ամենակարող ես դու, ես հավատում եմ իմաստնությանդ,

Ինչպես հավատում է սպանված զինվորը, որ ինքն ապրում է դրախտում,

Ինչպես ամեն ունկ հավատում է խոսքերիդ հանդարտ,

Որպես և մենք ենք հավատում` չգիտակցելով արարքը մեր:

Աստվա'ծ, Օ Տեր ի'մ, իմ Կանաչաչյա',

Քանի դեռ պտտվում է Երկիրը և դա տարօրինակ է նույնիսկ իրեն,

Քանի դեռ ժամանակն ու հուրը բավական են`

Տուր ամենքին մի փոքր բաժին, և մի' մոռացիր իմ մասին...

Թարգմանությունը` Մարգարետ Ասլանյանի