Ջոն Պեպպեր Քլարք

Ջոն Պեպպեր Քլարք

(1935) 

Մարմինդ սև է, երգ ի'մ, 

Հոգիդ` ճերմակ կարապ:

Կանչդ, որ փաթաթել են

Սառը օձերի գալարումներին,

Լացդ, որ խորտակել են

Հին եգիպտական ջրհորում անտակ`

Ամենը հատուցում ունի, երգ ի'մ:

Նրանք, որոնց մարմինը սպիտակ է,

Հոգին` մրուրի պես սև,

Նայում են ստրուկի կորացած մեջքին

Եվ չեն հասկանում ի ծնե տրված

Ստրկությունն իրենց,

Եվ չեն ճանաչում Ամենատեսին,

Որին կոչում են ինչ-որ մի Աստված,

Որին կանչում են` միայն մեռնելիս:

Ամենը հատուցում է, երգ ի'մ:

Եվ եթե մեռնեմ կորացած մեջքով,

Ապա քո մարմնում, որ սև է,

Հոգուդ կարապի ճերմակ թևերին,

Եվ կարեկցանքով դեպի դժբախտը,

Որն ունի մաշկը հյուսիսամարդու

Ու թշվառ հոգին` բարբարոսների:

Թարգմանությունը՝ Մարգարետ Ասլանյանի